This is the ZODIAC speaking...

Napanood ko yung ZODIAC nung isang gabi. Maganda siya pero hindi siya yung magandang ini-expect ko sa isang David Fincher film esp. yung SE7EN. Akala ko tungkol siya KILLER kung bakit siya PUMAPATAY. Tungkol pala siya sa mga grupo ng taong ang common denominator ay ang identity ni ZODIAC(cartoonist, news reporter, detective). Lalo na yung cartoonist na hangang sa bitter end (sa terms ng pelikula) sinubaybayan nya yung kaso. Umalis siya sa trabaho niya, iniwan siya ng asawa niya, pero balewala sa kanya kailangan niyang makita face-to-face na walang doubt na dapat sigurado siya na yun si ZODIAC.

So obviously cat-and-mouse ang plot, pero sa end hindi pa rin talaga nalaman kung sino si ZODIAC, although may isang suspect na laging umaangat at finally nga nakaharap ni Cartoonist face-to-face. Winiki ko yung film, open case pa pala siya na may isang suspect nga kaso di ma prove kasi walang ebidensya at patay na.

Ang malaking enigma sa film ay yung motive, hindi talaga ini-explain kung bakit pumapatay si ZODIAC. Serial killer ba siya o Thrill killer lang na pumapatay on impulse(actually akala ko nga tungkol siya kay Berkowitz-Son of Sam), serial killer kasi may psychological need na pumatay, kailangan lang nila parang kati o gutom kailangan ma-satiate, minsan ritualistic gusto nila i-recreate yung eksaktong circumstances na nag-lead sa kanila papunta sa direksyon na yun. Minsan twisted na sexual deviation na dun lang sila nakaka-express sexually... well marami pa talagang motivation para sa isang serial killer, pero hindi siya naungkat sa ZODIAC.

Pero kung iisipin mo yung motivation na wala kay ZODIAC e nasa Cartoonist, obsessive siyang masyado, ang laki ng cost (personal, psychological) na binayaran niya para finally malaman kung sino si ZODIAC to the point na estranged na siya at alienated sa mundo. Kailangan lang niyang malaman may NEED. So baka yung Cartoonist yung ka parallel ng ZODIAC na baka ganun din yung nararamdaman niya towards sa pagpatay, may threats siya pero hindi niya ginawa, kasi baka hinde niya gusto wala yung NEED. So tingin ko ganun, kay ZODIAC yung mismong ACT ng pagPATAY pero masasalamin sa Cartoonist kung bakit (motivation).