soaps

May isang payo lang ako sa inyo... wag na wag na wag ninyong sisimulan ang kahit na anong soap opera ok ulitin ko ha... wag na wag na wag ninyong sisimulan ang kahit na anong soap opera, man! sisirain lang nito ang buhay ninyo. para tong babae na maraming magandang pangako pero iiwan ka naman pag nagsisimula ka nang maniwala. para tong masarap na droga na akala mo nakakalimutan problema mo pero ang totoo eto pala mismo ang problema mo.

hay naku magkamali kasi ko nung july(o june di ko na matandaan) binuksan ko yung tv pero tinamad akong ilipat kaya pinanood ko na lang, ang palabas eh tungkol sa isang batang lalaki na pinapalo ng nanay niya, isang batang babae na mahirap na may ma-pride na lola at isang pang batang lalaki na ang ama ay meyor ng bayan nila at balak siyang ipadala sa esteyts para mag aral ng abogasya.

ayun august na... sina diether claudine at gabby na ang mga batang to, malaki na sila may kanya-kanya nang buhay pero nakakatawa universe nila dahil salasalabat ang mga buhay nila, ang liit talaga ng mundo. mayaman na ang batang mahirap, may sarili nang pamilya ang batang pinapalo at abogado na ang batang pumunta sa esteyts. patay na si bembol na asawa ni claudine na gustong kunin ni angelica ang yaman na ipinamana kay claudine dahil tingin niya siya ang may-ari na ayaw na nga talagang makita ni bembol si claudine pero namatay at hindi nabago ang testamento tapos ang mataray na si cherie pie na nanay ni diether na asawa na ni angelica na dating bf ni claudine na parang may feelings pa sila sa isat isa eh nakikisaw-saw tapos si gabby na lawyer ni claudine na lawyer din ni joel torre na tatay ni claudine na kalaguyo dati si cherri pie na baka anak niya ang babae (nakalimutan ko yung pangalan yung cute) na kasama sa bahay si pedro penduko na kapatid ni gabby na may gusto rin kay claudine na sinet-up pa ni susan roces para magtanan na kasama sa bahay si kat na tanging witness nung nakidnap si claudine at tinago sa ospital na sunog na ngayon dahil binili ni claudine hindi tuloy natuloy yung pag tatanan ni claudine at diether na ikinasal kay angelica na mayaman ang tatay na si bembol para masagip ang hacienda na asawa na ni claudine ngayon.

magulo? panonoorin ko pa ba? syempre. sisirain lang talaga ng soap opera ang buhay niyo. kaya payo lang wag kayo magsisimula ng kahit na anong soap opera, ok lang siguro panoorin sa gitna kasi wala nang ibig sabihin yun. pero yung simula shit man death trap yun...